បន្ទាប់ពីមានការគិតអស់មួយរយៈពេល ហើយអ្នកនៅតែគិតចង់ធ្វើការរំលូតកូនទៀតនោះ អ្នកអាចស្វែងយល់បន្ថែមពីមជ្ឈមណ្ឌលរំលូតកូនដោយសុវត្ថិភាពនូវកត្តាមួយចំនួនដូចខាងក្រោមនេះ ហើយនៅទីនោះមានការផ្តល់ប្រឹក្សា ពីព្រោះអ្នកមានសិទ្ធិចាំបាច់ត្រូវដឹងអំពីកត្ដា ទាំងអស់នេះ ៖
- គ្រោះថ្នាក់ និងផលវិបាកទាំងឡាយដែលអាចនឹងកើតឡើងទៅលើរូបរាងកាយ និងផ្លូវចិត្តរបស់អ្នក
- តើមជ្ឈមណ្ឌលរំលូតកូនសងជំងឺចិត្ដ និង ការចំណាយទាំងឡាយដែរ រឺទេ ប្រសិនបើមានការថ្លោះធ្លោយ?
- រាល់និតិវិធី និងភាពស្របច្បាប់នៃមជ្ឈមណ្ឌលរំលូតកូន និងរាល់ការ ប្រតិបត្ដិ និងវិធីសាស្ដ្រនៃការរំលូតដោយសុវត្ថិភាព
សូមគិតអោយបានដិតដល់
មុននឹងអ្នកសំរេចចិត្ដធ្វើ ការរំលូតកូន។
រាល់ការសំរេចចិត្ដរបស់អ្នកអំពីការរំលូតកូន
នឹងអាចមានការប៉ះពាល់ រូបរាងកាយរបស់ អ្នក។ ប្រសិនបើអ្នក
នៅតែមិនទាន់ប្រាកដច្បាស់ សូមធ្វើការ សំរេចចិត្តសារជាថ្មី។
ត្រូវចងចាំថា គ្មាន នរណាម្នាក់អាចបង្ខិតបង្ខំអ្នក
អោយធ្វើការរំលូតកូន បានឡើយ។
តើខ្ញុំសំរេចចិត្តដោយវិធីណា? នៅក្នុងកាលៈទេសៈណាក៏ដោយ អោយតែអ្នកមានអាយុចាប់ពី១៨ឆ្នាំឡើងទៅ ហើយទារក នោះ មានអាយុក្រោម១២សប្ដាហ៍ ការសំរេចចិត្តស្ដីពីការរំលូតកូន គឺជាសិទ្ធិរបស់អ្នក ទាំងស្រុង។ តែត្រូវទាមទារអោយការរំលូតកូននោះ ប្រព្រឹត្ដទៅដោយអ្នកជំនាញ រឺវេជ្ជបណ្ឌិត ដែលមានបទពិសោធន៍។ ដូចនេះ អ្នកគប្បីសុំការផ្តល់ប្រឹក្សា ពីស្វាមី រឺដៃគូរបស់អ្នក មិត្ដភ័ក្ដ វេជ្ជបណ្ឌិត រឺ ក៏អ្នកអាចទំនាក់ទំនងមកអាស័យដ្ឋានដូចខាងក្រោមនេះដើម្បីសុំការផ្តល់ ប្រឹក្សាបន្ថែម។
- គ្លីនិកអង្គការមារីស្ដុបច្បារអំពៅ៖ ផ្ទះលេខ15 ផ្លូវជាតិលេខ1 សង្កាត់ច្បារអំពៅ2 ខ័ណ្ឌមានជ័យក្រុងភ្នំពេញ។ទូរស័ព្ទលេខ 023 720 125។
- គ្លីនិកអង្គការមារីស្តុបតាខ្មៅ៖ ផ្ទះលេខ538 ផ្លូវលេខ201 ភូមិតាខ្មៅ ឃុំតាខ្មៅ ស្រុកតាខ្មៅ ខេត្តកណ្តាលទូរស័ទ្ទលេខ 023 425 710
- គ្លីនិកអង្គការមារីស្តុបខេត្តកោះកុង៖ ភូមិ2 ឃុំស្មាច់មានជ័យ ស្រុកស្មាច់មានជ័យ ខេត្តកោះកុង ទូរស័ទ្ទលេខ 035 936 238